Пребарај го блогов

понеделник, јуни 07, 2010

Нова надеж за Старо Нагоричане


Локалната власт на Општина Старо Нагоричане очекува наскоро да се реализираат неколку проекти, со што предвидува дека во блиска иднина ќе бидат отворени околу 1.000 работни места


Има повеќе индиции за заживување на Општина Старо Нагоричане, која е една од најчистите еколошки средини во државава, а тој тренд локалната власт настојува да го продолжи и наскоро очекува отворање на околу 1.000 работни места. Младото население се' помалку ги напушта селата, на што укажува и зголемувањето на бројот на децата во училиштата. Но, од градот се' уште се враќаат само пензионерите.

- Добро е да се живее во овој крај. Природата е прекрасна, а пензионерите што имаат понекој хектар земја, како јас, на пример, што имам пет хектари и пензија, може да го туркаат животот. Оние што имаат повеќе земја и одгледуваат добиток, може да живеат подобро - вели пензионерот Никола Илиќ.

Него го сретнавме како коси трева за кравата, покрај асфалтниот селски пат. Нему и на другите жители им пречи бавната децентрализација.

- За се' нешто треба да одиме до Куманово. Таму со саати, па дури и со денови, чекаме од врата на врата за еден документ. Па, испаѓа дека локалната самоуправа не ни значи ништо - вели Илиќ.

Неговата 66-годишна сосетка Сунчица Насковиќ вели дека таа и нејзиниот сопруг, пак, тешко живеат оти имаат само еден хектар земја, а заедно со сопругот-стечаец живеат од пензијата на свекорот.

- Само за лекарствата не можеме да собереме пари. Ни селскиот живот веќе не е она што беше. Веќе не се пазари на „цртка“ - вели таа.

Модерната продавница во селото има секаква стока, а за купеното се издава фискална сметка.

- Ние не живееме во селото. Неколку години патуваме до работното место од Куманово - велат продавачките од зад високите и полни рафтови.

Локалната самоуправа, која освен што мора да се справува со санирање на последиците од излевањето на Пчиња и нанесените огромни штети на посевите и на угостителските објекти покрај реката, не се откажува од порано изготвените проекти што наскоро ќе почнат да се реализираат.

- При крај се активностите за почеток на реконструкција и реставрација на православниот храм „Св. Ѓорѓи“, кој е и културно-историски монумент од 14 век. Црквата е заштитена од УНЕСКО. Комисијата се увери во богатството и убавините на фрескоживописот во црквата, проектот е прифатен од Министерството за култура - вели градоначалникот Миодраг Јовановиќ.

Тој додава дека со донацијата од ЕУ, од 420.000 евра, ќе почне уредување на црковниот комплекс и на неговата околина.

- Есенва ќе се решава градежниот дел, хортикултурното уредување и етнолошкиот музеј. Ова ќе заврши кон крајот на идната година. Процесот оди бавно, но таква е процедурата - вели Јовановиќ.

Тој додава дека бањата Стрновац, пак, е еден од основните објекти за развој на туризмот. Се очекува Министерството за земјоделство, шумарство и водостопанство да овозможи пренамена на 9 хектари земјиште во градежно и тоа Владата да го продава на меѓународен тендер.

- Очекуваме странски компании да изградат спортско-рекреативен и спа-центар - вели Јовановиќ.

Локалната власт планира изградба и на индустриска зона и отворање на околу 1.000 нови работни места.

- На 12 хектари земјиште што е пренаменето во градежно, а се наоѓа во непосредна близина на магистралниот пат кон Крива Паланка, во атарот на селото Старо Нагоричане ќе почне изградба на мали погони со технологија која не ја загадува животната средина - вели Јовановиќ.

И покрај оптимистичките најави за експанзивен развој на оваа пасивна општина, мештаните неретко му забележуваат на градоначалникот дека малку вработува жители од селата, а многу повеќе од Куманово. Јовановиќ на оваа забелешка одговара:

- Јас ги почитувам моите сожители, но Општината вработува само стручни кадри. Ако сакаме да ја развиваме, мора да вработуваме стручни луѓе што ќе работат на развојот и на промовирањето на општината - вели тој.

Јовановиќ додава дека овие проекти се планирани за Пчињскиот реон, а во Козјачието пак се планирани ветерници.

Тој е оптимист дека нивната изградба ќе почне наскоро.
Светлана Антиќ-Јовчевска

Расте бројот на ученици
Стотина ученици годинава завршуваат во централното ОУ „Светозар Марковиќ“, кон кое припаѓаат и подрачните училишта од селата Никуљане и Алгуња. Тие во Старо Нагоричане доаѓаат и од соседните села.

- Министерството за образование неколку години обезбедува превоз и тоа е олеснителна околност за децата, родителите и за наставниците. Превоз им е обезбеден и на децата од пограничното маало Татариновац, кои порано настава посетуваа во соседна Србија. Бројот на учениците се зголемува, што укажува на тоа дека младите брачни двојки не се иселуваат, а чуваат и трето дете - вели Жаклина Милинковиќ, директорка на училиштето.

Наспроти стотината основци што завршуваат годинава, во учебната 2003/2004 година имало 74 ученици. Сегашната училишна зграда е од 1968 година, а минатата година беше извршена реконструкција на покривот, а беа сменети и прозорците и вратите.

1 коментар:

Анонимен рече...

[url=http://www.pi7.ru/main/1651-shokoladkina-vika-otkazalas-ot-publikacii-v-muzhskom-glyance.html ]я не возбуждаюсь во время секса [/url]
Девочки, кто знает, что означают родимые пятна? Читала много статей на это тему в интернете, но так и не нашла достойное трактование... Вот, к примеру, у меня (только не смейтесь!:)) есть родимое пятно в области носогубной складки с левой стороны лица, довольно большое (как бы 2 рядом), красное, но плоское. Такое же, только маленькое, над правой бровью, на запястье и мизинце левой руки. Мама говорит, что они у меня с рождения. Да я и сама, сколько себя помню, все время их стеснялась... Читала, что их наделяют разными значениями-вплоть до влияния на судьбу человека. Один пишут, что это "метки дьявола", другие- "Божьи знаки" и т.д. и т.п. Так что же это такое действительно и надо ли их убирать? У кого еще они есть? Заранее благодарю!

Loading...
Site Meter