Пребарај го блогов

петок, октомври 02, 2009

Tуристички каталог - Старо Нагоричане


сл. 1  Tуристички каталог - Старо Нагоричане
За потребите на туристичка промоција на Општина Старо Нагоричане, општината изработи мала монографија (81 страница) која представува туристичка промоција на тринаесетина познати културно историски и туристички локалитети. Општината Старо Нагоричане е составена од 39 населени места (села) на 451 км2 и има 4840 жители. Општината е погранична и спаѓа во редот на неразвиените МК општини. Жителите претежно се занимаваат со земјоделие и сточарство. Од Куманово е одалечена дванаесетина километри (се мисли на седиштето на општината) а од Скопје е одалечена 55 километри.         Повеќе ».....

Општината изобилува со бројни културно историски и археолошки локалитети. Во скоро сите историски периоди има одреден број познати и веќе утврдени археолошки и клултурни локалитети. Па така во:
  • Неолит ................. 3
  • Енеолит ............... 3
  • Бронзано време .. 1
  • Железно време ... 7
  • Рана Антика ....... 1
  • Римски период ... 11
  • Доцна Антика .... 14
  • Среден век ......... 29
Од палетата на попознати седумдесетина културно историски и археолошки локалитети во монографијата се представуваат тринаесетина, кои се на скоро сите туристички мапи. Чести десинации на таканаречениот специфиче црковно манастирски туризам туризам кој Македонија сака да го промовира - комбиниран со поголеми и позначајни археолошки локалитети, природни убавини и реткости ... Кој уште нема слушнато за Кокино, за црквите св.Ѓорѓи, испосницата на св. Отец Прохор Пчињски и Манастирот Забел во Старо Нагоричане, за црквите св.Петка и св.Ѓорѓи, архео локалитетот Костоперска карпа како и спомен костурницата посветена на загинатите во првата балканска војна Зебарњак (сите на територија на Младо Нагоричане), преубавите и многу стари цркви во Карпино и Сув Ора, Меморијалниот центар на АСНОМ во Пелинце. Свое место во монографијата завзема и термалната бања Стрновац како и помалку познаттиот Свет Даб кој се наоѓа веднаш под Кокино.

Во монографијата се поместени соодветни фотографии за поменатите места и кратки написи поврзани со нив. За промоцијата во странство има и англиска верзија. Да се надеваме дека набрзо ке ја пронаоѓаме лесно и на интернет.

Сигурно дека се изоставени многу места кои вределе да се поместат во ваков амбициозен туристички каталог. Пред се` мислам дека има уште неколку археолошки локалитети со голема докажана вредност, како Бранченица; Плошка и Под село во Старо Нагоричане, Градиште; Грамада; На брег; Среѓеница; Ќурчинска Карпа во Младо Нагоричане. Градиште во Пелинце заслужува исклучително внимание, Кула и Добросељане во Чолопек ...

Испуштени се прекрасните предели во горниот тек на Пчиња, места кои и досега се исклучително посетени од рибарите и љубителите на речните сливови и ливади, прекрасна стара селска архитектура од многуте зачувани селски куќи и домаќинства. Испуштени се големите ловни површини ... испуштени се прекрасните планиски предели и шуми во пределот на Козјак планина и особено пределот од Длабочица до Буковљане. Пределите изобилуваат зо убава дабова и борова шума. Испуштена е промоцијата на селскиот туризам, особено оној на планинските подрачја ...

сл.2

сл.3

сл. 4

Сл.5

сл.6  Промоцијата се одржа во комплексот “Етно Село“ кој се наоѓа во Младо Нагоричане, близу до реката Пчиња ...



сл.7, 8 и 9  Посебно внимание предизвика балонот кој го пробаа многу од присатните новинари и гости како и една блогерка ...

сл. 10
сл.11 и 12  Освежување на вечерта беа етно девојките и момците ...
сл.13 и 14

 сл.15 и 16

 сл. 17 и 18  Комплексот “Етно Село“ има големи потенцијали

сл.19


сл.20 и 21



сл.22, 23 и 24  По потпишување на договори и поздравно/промотивни говори, следеше прекрасен концерт на Синтезис, се` зачинато со мала закуска од етно кујната на овој крај ...


сл.25 и 26

сл.27


сл.28 и 29

1 коментар:

Анонимен рече...

Сфаќате дека на сите слики балонот ја има истата позиција?? Ефектите на фотографиите ви се сигурно направени за да се прикрие додавањето, но од авион се гледа дека тој балон е вметнуван на сликите. Сега не знам дали вистинскиот балон не бил толку впечатлив или што би била причината да го прикривате со друг....

Loading...

Архива на блогот

Site Meter