Aрхеолошки дневник - Кокино

Aрхеолошки дневник

14 Април, 2006 - 23:32

Праисториската опсерваторија во Кокино

Намерно го напишав текстот за Кокино после веста за Цоцев Камен, зошто овдека археолозите и pokraj obilstvoto на археолошки материјал, се уште сосема скромо ги донесуваат и ги презентираат своите заклучоци. Отпчаток на духот во камен Првото нешто што древниот човек го земал од природата и го преобликувал, бил каменот. Така каменот станал првиот доказ на кој тој како белег го направил отисокот од својот дух. Кога ли започнал дијалогот на човекот со каменот? Веројатно уште многу, многу одамна кога во прадамнешните и мистични времиња почнал да го употребува за правење на своите први алатки. Не се рекло напразно дека ,,каменот е надобриот молчелив човеков пријател”. Да можеле до сега камењата да зборуваат, веројатно би ни откриле голем број на мистерии. Помеѓу тие мистерии се вбројуваат и праисториските соларни лабаратории кои се појавиле кон крајот на 4 милениум п.н.е. на територијата на Балканот и кои како резултат на еден замрзнат ритуал и конзервативност останале да се експлоатираат се до доаѓањето на Римјаните. Преку каменот до вечноста Локалититот Татиќев Камен е поставен на надморска висина од 1013 м, врз природната карпа од вулканско потекло наоѓајќи се во близина на селото Кокино, Кумановско. Дека се живеело во негова близина, ни сведочат и поголемиот број на праисториски населби кои се наоѓаат во дијаметар од неколку километри по воздушна линија, со временски дијапазон од неолитот до железно време. Започнат да се истражува пред две години, врз база на керамиката е востановено дека се работи за локалитет кој веројатно живеел отприлика помеѓу 1400-1200 год. п.н.е., т.е периодот на доцното бронзено време во Македонија. Она што воодушевува е неговата местоположба, горе на врвот од планината, но збунувачки е тоа што таму сепак се приметува интервенција на човечка рака во наизглед доста интересно обликуваните форми. Вниманието го привлекуваат исклесаните вдалбнувања и патчиња, додека јадрото на оваа неверојатна структура која се добила со преобликување на карпите, се една платформа и престоли свртени кон исток, кои се наоѓаат помеѓу двете нивоа на врвот. Кога космосот се чита поинаку Веќе подолго време во и околу научната јавност кружи мислењето дека се работи за можна т.н. праисториска опсерваторија. Направена претпоставка е докажана врз база на проучувањата кои тука ги спроведоа бугарските астрономи од опсерваторијата во Стара Загора докажувајќи дека овој споменик исклесан во карпите можеби се поклопува со соларната култна архитектура како дел од културата на енеолитските цивилизации. Истражувањата барале од астрономите посебен тип на анализи и интерпретација на морфометриските модификации, со која тие ќе ги докажат своите претпоставки дека се работи за праисториска сончева опсерваторија. Со помош на математички анализи, успеале да го реконструираат небото кое било набљудувано од се уште нам непознатата древна култура, преку постоење на нишани и ориентации намерно направени во карпите кои ги покажуваат точките на изгревот и залезот на сонцето, пролетна и есенска рамнодневица и летната долгодневица. Истражувањата велат дека овие точки се совпаѓаат со временскиот период од околу 1500-та год. п.н.е. Боговите се виновни за се Се поставува прашањето какви биле астрономските интереси на една праисториска заедница, која на овака сложен начин си ги исполила врските со својата околина. Познато ни е дека пролетта и летото се важни за вегетацијата, земјоделските култури и размножувањето на домашните животни. Тоа дава можност за создавање на календар со кој на некој начин тие би можеле да ги контролираат сите овие процеси. Од друга страна локацијата на врвот од планината можеби укажува на постоењето на т.н. ,,космичка планина”, каде врвот бил дом на небесните богови. Древните цивилизации на различни територии создавале нејзин пандан во форма на пирамиди, зигурати или било какви други архитектонски зданија, ориентирани по насоките на светот. Дали овие набљудувања вклучувале ритуали и култни процесии ќе остане мистерија. Се поставува прашањето дали археолошкиот локалитет во Кокино, кој бил праисториска опсерваторија во вистинска смисла на зборот, бил можеби и светилиште или и нешто трето? Во прилог на локалитетот одат многу бројни факти, но како и секогаш голема е веројатност тие да се извртат и со нив да се шпекулира. Праисториските луѓе заминувајќи во вечноста го оставиле археолошкиот локалитет во селото Кокино уверувајќи не во своето знаење и голема умешност, дека на свој посебен начин успеале да се справат и да ја скротат природата. Уште долго ќе остане енигма која била популација што ги населувала тие простори во бронзеното доба. Употребувајќи го концептот на време и простор, сметачкиот систем, математиката и геометријата, во наследство ни оставила неизбришливи траги во форма на камена култура. Цитирана литература: Станковски Ј., 2003, Три мегалитни споменици во кумановскиот регион, Пијајхме 2, Народен Музеј - Куманово, Куманово 2003, 229-262. Ѓорѓевиќ Н., 2003, геолошко рекогносцирање терена на археолошком локалитетима у околини Куманова током 2002 године, Пијајхме 2, Народен Музеј - Куманово, Куманово 2003, 263-280. Стоев А. Стоева П., 2003, Археоастрономи;еска интерпретација на скално-изсе;енија паметник ,,Татичев камен”, крај село кокино, обштина Старо нагоричане, Македонија, Пијајхме 2, Народен Музеј - Куманово, Куманово 2003, 329-339. Останата литература: имагинацијата на газдарицата на овој блог и чичко гугл. p.s. според НАСА праисториската опсерваторија во Кокино е прогласена за 4-та во светот (а за ова пак трк на гугл) Линкови до овој блог запис Никнуваат Stonehenge- и по светот од Мојот археол… на 17 Мај, 2006 - 00:22 Необични откритија на два локалитета на Андите

мој избор | додај нов коментар | за печатење | прати по e-mail | 175 пати прочитано | трекбек url #

Да те прашам нешто? дали можеш да направиш пост за јазикот на античките Македонци и сличноста и разликите со денешниот наш јазик. Инаку за кокино пред некој месец читав во Димензија х и според овој пост можам да си создадам слика за животот, културата и начинот на размислување на цивилизациите што го населувале тој простор

(creeper 14 Април, 2006 - 23:44 | одговори)

може да пробам да направам пост, а не е лошо за тоа што те интересира прво да ги посетиш сајтовите на имроко. Ги имам овдека од десно.
Инаку јас не шпекулирам со информациите, само имам уфрлено малу популарна археологија со тоа што сметам дека од Кокино треба да се направи бренд. Локалитетот едноставно го заслужува тоа, а и сите ние.

(milozvucna_s… 14 Април, 2006 - 23:47 | одговори)

убаво написано нема сто..браос

(Лидија 15 Април, 2006 - 00:04 | одговори)

Викаат дека „пред аргументите и боговите молчат“. Себеси ни оддалеку не се сметам ни приближно за рамен на боговите, напротив!!!, ама пред аргументацијата која ја наведуваш морам да молчам. Дефинитивно тезата за Кокино стои на издржани аргументи.

http://www.istoricar.blogspot.com/

(кибицер 15 Април, 2006 - 02:44 | одговори)

зошто толку малку пишуваат за Кокино? Треба да го направиме да биде како Стоунхејџ,Имаше нешто некое време по весниците и после се замре

(Gostinka 15 Април, 2006 - 03:08 | одговори)

БРАВО !

(istok 15 Април, 2006 - 04:56 | одговори)

сум имала прилика лично да го посетам Кокино и да го видам археолошкиот материјал. Добро водените ископувања (додуше со многу малку пари - каков резил)од страна на археологот Јовица Станковски само го потврдуваат горенаведеното.
Намерно го напишав текстото за Кокино после веста за Цоцев Камен, зошто овдека археолозите и на 1 тон на археолошки материјал, се уште сосема скромо ги донесуваат и ги презентираат своите заклучоци.Тоа е наука, а не лакрдија. Не дека мегалитски споменици или како бугарите ги викаат скални паметници немало. И те како ги има на овој дел од Блаканот. Но за еден локалитет ти го прогчасиш за опсерваторија, не смее да постои основа за ниту еден сомнеж.

(milozvucna_s… 15 Април, 2006 - 10:02 | одговори)

Нема гајле, сите ние треба да се потрудиме да ги промовираме вредностите и спецификите на нашата земја... Милозвучна, те линкував на мојот блог...

(gay 15 Април, 2006 - 15:25 | одговори)